Posted by: Justo Nunc | 1.10.07

Nos habeva vaccas

Io ha crescite in un vico juxta un parve citate del sud del Europa atlantic. Ben que mi patre travaliava de mechanico in un fabrica de papiro, mi familia ha terras e, durante bon parte de mi infantia e juventute, io debeva adjutar mi parentes a recolliger le maiz, a plantar patatas, a facer vino… Nos habeva porcos, gallinas e conilios. Io memoro que nos mesmo habeva duo vaccas. Quasi toto lo que nos mangiava, nos lo produceva. Nos cognosceva tote nostre vicinos e tote illos nos cognosceva ben. On se adjutava le un al altere. 

Malgrado que iste description del mundo de mi juventute pote semblar bucolic, le vita de ille tempores era longe de esser idyllic, ben que le dies nec era penose. Hodie nos vide ille dies como un passato de subdisveloppamento que quasi totos vole oblidar o disguisar. Nunc nos ha multe plus commoditates, multe plus pecunia, multe plus cosas, sed nos es plus dependentes. Nos non produce nihil material e nos debe comprar quasi tuto: le alimentos, nostre vestimentos, nostre domos, nostre transportes… Nos ja non sape cultivar o mesmo cocinar nostre alimentos, nos ja non sape confectionar un sweater, nos ja non mesmo sape construer un simple cabana.  Nos es nunc absolutamente dependente, forsan plus que jammais, e io crede precisemente que iste profunde dependentia es le prinipal causa del pavor que nos senti in iste tempores.

Antea, con due vaccas, un porco e pauc hectares, le pavores de mi parentes era molte plus simple. Illos me lo confessava le altere jorno durante un repasto familial in mi casa. Hodie, con un o mesmo due autos, con un bon domo, con pecunia pro comprar mesmo un experientia estival per le costa maya, nos habeva cata die plus pavor de perder lo toto. Pavor del terroristas, pavor del immigrantes e nunc, con le cambio climatic, nos mesmo ha pavor del pluvia. Es iste pavor a tuto lo que nos sembla un menacia pro nostre conforto le costo que nos debe pagar pro esser disveloppate?

Advertisements
Posted by: Justo Nunc | 26.09.07

Es le guerra inevitabile?

Differente responsabiles diplomatic occidental ha declarate iste ultime jornos que le guerra con Iran serea inevitabile si iste pais continua su programma nucleari. Incluse Bernard Kouchner, le ministro francese de affaire estranier, affirmava iste dominica que le mundo debe preparar se pro le pejor. Proque le paises occidental dubita del character scientific del programma nucleri iranian? Es forsan proque illos ha ja armas nucleari? Realmente, iste paises ha autoritate moral pro donar lectiones de ethica nucleari al mundo? Io crede que le periculo nucleri iranian es solmente un excusa pro invader iste pais. Non es hodie Pakistan, qui possede armas nucleri desde il ha tempore e appoiava apertemente le talibanes, plus periculose que Iran? Nos ja sape ben que le risco del armas de destruction massive ja ha essite usate como pretexto pro occupar Irak. Il importava pauc si isse armas existeva o non: Irak ha essite occupate. Io crede que le programma nucleari iranian es nunc un altere excusa effective pro espaventar le opinion public e justificar le invasion de un pais que, malgrado su integrismo religiose, es un democratia unde le feminas pote votar, que necuno lo oblide. La guerra serea evitabile… si Occidente volerea evitar la. Nos necessita tanto le petroleo? Illo vale le pena?

Posted by: Justo Nunc | 26.09.07

Salute!

Le tempore es justo nunc. Hodie initio iste blog sin contento con le unic objectivo de scriber in interlingua.

Categories